Útflutningur á þjónustu jákvæður um 27,3 milljarða

Útflutningur á þjónustu á þriðja ársfjórðungi ársins var, samkvæmt bráðabirgðatölum, 108,6 milljarðar króna en innflutningur á þjónustu 81,4 milljarðar króna. Þjónustujöfnuður við útlönd á þriðja ársfjórðungi var því jákvæður um 27,3 milljarða króna.  

Þetta kemur fram á vefsíðu Hagstofunnar. Þar segir að samgöngur séu stærsti þjónustuliður í útflutningi á þjónustu og afgangur vegna þeirrar þjónustu var um 22,5 milljarðar króna.

Önnur þjónusta er stærsti liður í innflutningi og nam halli á þeirri þjónustu um 9,8 milljörðum kr. Afgangur varð hinsvegar á á ferðaþjónustu upp á um 14,6 milljarða króna.