Sérstakur saksóknari fer fram á gæsluvarðhald yfir öðrum manni

Sérstakur saksóknari hefur farið fram á gæsluvarðhald yfir öðrum manni samkvæmt heimildum fréttastofu. Þegar hefur dómari fallist á gæsluvarðhaldsúrskurð yfir fyrrverandi forstjóra Glitnis, Lárusi Welding.

Sérstakur saksóknari yfirheyrir nú einstaklinga sem unnu hjá bankanum og FL Group vegna gruns um auðgunarbrot. Meðal mála sem yfirheyrt er vegna er Stím-málið svokallaða. Í tilkynningu frá sérstökum saksóknara í dag kom fram að um verulegar upphæðir væri að ræða í málunum tíu sem einstaklingarnir eru yfirheyrðir vegna.

Dómari hefur ekki kveðið upp úrskurð sinn, en hinn grunaði er enn inn í héraðsdómi.