Eignir lífeyrissjóðanna halda áfram að aukast

Eignir lífeyrissjóðanna halda áfram að aukast. Hrein eign lífeyrissjóða var 1.984 milljarðar kr. í lok apríl og hækkaði um tæplega 20 milljarða kr. í mánuðinum eða um 1,0%.

Þetta kemur fram í hagtölum Seðlabankans. Innlend verðbréfaeign hækkaði um 14,8 milljarða kr. og nam 1.408 milljörðum kr. í lok mánaðarins. Erlend verðbréfaeign nam 486,2 milljörðum kr. og hækkaði um 4,6 milljarða kr.

Vert er að taka fram að enn er nokkur óvissa um endanlegt mat á eignum lífeyrissjóðanna.