Horn selur 13,75% hlut í Eyri

Horn, dótturfélag Landsbankans, hefur selt 13,75% hlut í fjárfestingarfélaginu Eyri Invest, sem m.a. á stærsta einstaka eignarhlutinn í Marel. Eigendur 37,6% hlutafjár í Eyri eru feðgarnir Þórður Magnússon, stjórnarformaður, með um 20,3% hlut, og Árni Oddur Þórðarson, forstjóri, með um 17,3% hlut. Kaupandi bréfanna var Landsbankinn. Horn á enn 13,75% í Eyri eftir viðskiptin.

Horn hefur að undanförnu verið að selja eignir, einkum sem skráðar eru á markað, en það er liður í undirbúningi að skráningu félagsins á markað.