Elli í Jeff who?: Pakkar eru must

„Það er nú ekkert sérstakt sem ég geri til að undirbúa jólin," segir Elís Pétursson bassaleikari hljómsveitarinnar Jeff who?

„Maður setur upp jólatré, skreytir og ef maður er í ekstra fíling þá kannski brennir maður smá greni. Ég kaupi iðulega jólagjafir mjög seint."

Hvað kemur þér í hátíðarskap? „Jólatónlist og jólaöl kemur mér í hátíðarskap," svarar Elís.

„Messan sem er útvarpað klukkan sex á aðfangadag kemur svo kannski meira með hátíðleikann."

„Ég held samt að grenilyktin sem kemur í íbúðina frá jólatrénu geri mest."

„Jólamyndir eins og Christmas Vacation, Scrooged, Home Alone 1 & 2 og jólabarnaefnið er svo ómissandi til að koma manni í skilning um hvað jólin snúast raunverulega um," segir hann.

„Pakkar eru must. Jól án pakka er bara flott matarboð. Góður matur skiptir þó líka miklu máli."

„Maður borðar eiginlega bara reykt kjöt, konfekt og smákökur í svona þrjá daga. Þessi jólakúr er must," segir Elis.

Hvernig verður svo aðfangadagskvöldið hjá þér? „Það er ekki búið að ákveða það ennþá, en það verður örugglega huggulegt.

„Ég hef verið erlendis seinustu tvö jól, þannig að ég hlakka mikið til að halda svona hefðbundin íslensk jól."-elly@365.is

Myspacesíða Jeff who?