Hörkuskot í Þrasatarlundi

Stöng sem veiddi Þrastalundarsvæðið í Soginu í gær setti í fjórtán laxa og landaði tíu. Sem kunnugt er þá er aðeins veitt á eina stöng á svæðinu.  Allir laxarnir sem fengust tóku í Kúagili, sem er efsti veiðistaðurinn á svæðinu. Sjö þeirra voru fengnir á flugu, en þrír á spón. Um var að ræða fallega laxa á bilinu 58-75cm.

Þess má geta að fyrir skömmu kom á land stærsti laxinn sem við höfum heyrt af úr Soginu. Vóg hann 10.2 kíló, og veiddur í Kúagili fyrir landi Þrastalundar.  Það skal ítrekað við veiðimenn að skrá aflann í veiðibók, en sem dæmi um vitleysuna þá eru aðeins skráðir 23 laxar í veiðibók!  Og athugið að það eru laus leyfi á heimasíðu SVFR.

Birt með góðfúlsegu leyfi SVFR