Veiði

Af urriðaslóðum Þingvallavatns

Karl Lúðvíksson skrifar
Það er vel þess virði að eyða góðum tíma við Þingvallavatn ef verðlaunin eru þessi.
Það er vel þess virði að eyða góðum tíma við Þingvallavatn ef verðlaunin eru þessi.

Urriðaveiðin við Þingvallavatn er í fullum gangi þessa dagana og það er ekkert lát á veiðinni eftir því sem við heyrum frá veiðimönnum.

ION svæðið var þegar síðast var leitað frétta að teygja sig í 700 fiska sem er frábær veiði en það sem hefur þó vantað er meira af þessum allra stærstu urriðum sem veiðast þar reglulega. Það hefur verið aðeins minna af þeim á færinu í vor en ekki skilja það sem svo að það sé verið að kvarta því algengustu stærðirnar á urriðanum sem er að veiðast þar er 60-80 sm. 

Á svæðum Fishpartner er mikið líf á Kárastöðum og mikil ásókn í lausa daga enda munar ansi miklu á verði þar og á ION svæðinu sem og það er ansi erfitt að komast að á ION. Veiðin á Kárastöðum hefur verið fín með góðum skotum inn á milli. Villingavatn hefur að sama skapi verið að gefa fína veiði en minna hefur frést af Svörtuklettum. Það svæði er ekkert síður gjöfult eins og Kárastaðir en minna stundað af einhverjum sökum. Besta veiðin þar er eldsnemma á morgnana og seint á kvöldin og því upplagt að skjótast eftir vinnu og veiða fram á kvöldið með góðri von um að einn vænn ísaldarurriði rífi í fluguna.

Síðast en ekki síst eru veiðimenn farnir að setja í hann í þjóðgarðinum og sumir sem hafa verið að fá nokkra fiska á vaktinni. Það er sama sagan þar eins og víðar í vatninu, besta veiðin er seint á kvöldin og þeir allra hörðustu eru ekki að pakka saman fyrr en eftir miðnætti.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.