Áfengissala minnkar um 7,3% milli ára

Sala áfengis dróst saman um 7,3% í júlí miðað við sama mánuð í fyrra á föstu verðlagi. Leiðrétt fyrir árstíðabundnum þáttum nam samdráttur í veltu áfengis í júlí 4,7% frá sama mánuði í fyrra.  Verð á áfengi var 2,1% hærra í júlí síðastliðnum en í sama mánuði í fyrra.

Þetta kemur fram í yfirliti frá Rannsóknarsetri verslunarinnar. Þar segir að velta í dagvöruverslun jókst um 0,5% á föstu verðlagi í júlí miðað við sama mánuð í fyrra. Leiðrétt fyrir árstíðabundnum þáttum jókst velta dagvöruverslana í júlí um 1,4% frá sama mánuði í fyrra. Verð á dagvöru hefur hækkað um 4,2% á síðastliðnum 12 mánuðum.

Fataverslun dróst saman um 10,9% í júlí miðað við sama mánuð í fyrra á föstu verðlagi. Leiðrétt fyrir árstíðabundnum þáttum dróst velta fataverslunar í júlí saman um 12,1% frá sama mánuði árið áður. Verð á fötum var 0,3% hærra en í sama mánuði fyrir ári.

Velta skóverslunar jókst um 2,6% í júlí á föstu verðlagi. Verð á skóm hækkaði um 1,1% frá júlí í fyrra.

Velta húsgagnaverslana jókst um 7,4% í júlí frá sama mánuði í fyrra á föstu verðlagi. Verð á húsgögnum var 2,3% hærra í júlí síðastliðnum miðað við sama mánuð í fyrra. Velta sérverslana með rúm dróst saman í júlí um 7,3% frá sama mánuði í fyrra á föstu verðlagi. Velta í sölu skrifstofuhúsgagna var 36,7% meiri í júlí síðastliðnum samanborið við sama mánuð í fyrra á föstu verðlagi.

Sala á raftækjum í júlí jókst um 22,8% á föstu verðlagi. Verð á raftækjum var 8,2% lægra en í júlí 2010.