103 sm stórlax af Hrauni 12. júlí 2011 09:59 Nils Folmer Jörgensen með stórlaxinn á Hrauni Mynd af www.svak.is Á föstudaginn sl. veiddist fyrsti lax sumarsins á Hrauni, 103 cm lúsugur hængur. Þetta var þykkur og fallegur lax eins og myndin sýnir en hann veiddist við Engey sem er neðst á svæðinu. Laxinn gæti því hugsanlega vegið 23 til 24 pund en honum var auðvitað sleppt. Hraun og hin svæðin neðan virkjunar voru mikil stórlaxasvæði hér í den en á því varð breyting upp úr 1980. Laxinn hefur nú verið friðaður fyrir allri veiði á Hrauni og á svæðunum í kring í átta ár og ánægjulegt að hann sé smám saman að hasla sér völl aftur efst í dalnum, laxgengd hefur greinilega verið að aukast aftur á þessum svæðum síðustu árin. Urriðaveiðin hefur verið prýðileg á Hrauni það sem af er sumars þrátt fyrir hret og kuldatíð í maí og júní. Oft eru að fást 15 til 20 fiskar yfir daginn á stangirnar þrjár og eru þeir vænni en í fyrra, allt upp í 60 cm. Það er fyrst núna að það er að koma smá ylur í ánna og besti tíminn því fram undan. Sem fyrr, eru það þurrfluguveiðimenn sem eru að brillera á Hrauni en púpur og streamerar líka öflugir. Það er búin að vera mikil fluga síðustu vikurnar og urriðinn er yfirleitt vel á sig kominn. Við minnum veiðimenn á að gá eftir merkjum á urriðanum í Hrauni - en þar stendur nú yfir nú rannsóknarverkefni þar sem meta á vöxt, far og afföll urriða - einn þátturinn er að skoða hvort hitastig hafi áhrif á lifun á urriða sem sleppt er. Við hvetjum veiðimenn til að taka þátt í þessu verkefni og sleppa öllum merktum fiski aftur - en skrá jafnframt niður númer merkis og hitastig árinnar - auk hefðbundinna skráningarþátta. Birt með góðfúslegu leyfi SVAK Stangveiði Mest lesið Flottasta RISE hátíðin hingað til Veiði Nýjasti þátturinn af Árbakkanum Veiði Fréttabréf Landssambands Veiðifélaga er komið út Veiði Vatnsá og Skógará seinar í gang Veiði Náði 12 punda urriða í Kleifarvatni Veiði Góð opnun í Þverá og Kjarrá Veiði Tveir laxar á land við opnun í Hrútafjarðará Veiði 98 sm lax úr Miðfjarðará Veiði Lokakvöld Kvennadeildar SVFR annað kvöld Veiði 64 sm bleikja úr Hlíðarvatni Veiði
Á föstudaginn sl. veiddist fyrsti lax sumarsins á Hrauni, 103 cm lúsugur hængur. Þetta var þykkur og fallegur lax eins og myndin sýnir en hann veiddist við Engey sem er neðst á svæðinu. Laxinn gæti því hugsanlega vegið 23 til 24 pund en honum var auðvitað sleppt. Hraun og hin svæðin neðan virkjunar voru mikil stórlaxasvæði hér í den en á því varð breyting upp úr 1980. Laxinn hefur nú verið friðaður fyrir allri veiði á Hrauni og á svæðunum í kring í átta ár og ánægjulegt að hann sé smám saman að hasla sér völl aftur efst í dalnum, laxgengd hefur greinilega verið að aukast aftur á þessum svæðum síðustu árin. Urriðaveiðin hefur verið prýðileg á Hrauni það sem af er sumars þrátt fyrir hret og kuldatíð í maí og júní. Oft eru að fást 15 til 20 fiskar yfir daginn á stangirnar þrjár og eru þeir vænni en í fyrra, allt upp í 60 cm. Það er fyrst núna að það er að koma smá ylur í ánna og besti tíminn því fram undan. Sem fyrr, eru það þurrfluguveiðimenn sem eru að brillera á Hrauni en púpur og streamerar líka öflugir. Það er búin að vera mikil fluga síðustu vikurnar og urriðinn er yfirleitt vel á sig kominn. Við minnum veiðimenn á að gá eftir merkjum á urriðanum í Hrauni - en þar stendur nú yfir nú rannsóknarverkefni þar sem meta á vöxt, far og afföll urriða - einn þátturinn er að skoða hvort hitastig hafi áhrif á lifun á urriða sem sleppt er. Við hvetjum veiðimenn til að taka þátt í þessu verkefni og sleppa öllum merktum fiski aftur - en skrá jafnframt niður númer merkis og hitastig árinnar - auk hefðbundinna skráningarþátta. Birt með góðfúslegu leyfi SVAK
Stangveiði Mest lesið Flottasta RISE hátíðin hingað til Veiði Nýjasti þátturinn af Árbakkanum Veiði Fréttabréf Landssambands Veiðifélaga er komið út Veiði Vatnsá og Skógará seinar í gang Veiði Náði 12 punda urriða í Kleifarvatni Veiði Góð opnun í Þverá og Kjarrá Veiði Tveir laxar á land við opnun í Hrútafjarðará Veiði 98 sm lax úr Miðfjarðará Veiði Lokakvöld Kvennadeildar SVFR annað kvöld Veiði 64 sm bleikja úr Hlíðarvatni Veiði