N1 tapaði tæpum 12 milljörðum í fyrra

Olíufélagið N1 tapaði 11,8 milljörðum kr. á síðasta ári. Þetta er mikill viðsnúningur frá árinu 2009 þegar félagið skilaði 277 milljónum kr. í hagnað.

Í ársreikningi félagsins fyrir síðasta ári kemur fram að rekstrartekjur ársins námu tæpum 46 milljörðum kr. og jukust um 6 milljarða frá fyrra ári. Eignir rýrnuðu hinsvegar verulega, fóru úr 25,3 milljörðum árið 2009 og niður í tæpa 17 milljarða í fyrra.

Fram kemur í ársreikningnum að árslaun Hermanns Guðmundssonar forstjóra voru rúmlega 31,6 milljónir kr. eða ríflega 2,6 milljónir kr. á mánuði. Einar Sveinsson stjórnarformaður var með 4,8 milljónir kr. en aðrir stjórnarmenn með 2,4 milljónir kr. hver.

N1 gekk í gengum endurskipulagningu nýlega og eiga Arion banki og Íslandsbanki samtals rúmlega 70% hlut í félaginu eftir hana.