Skuldatryggingaálag Íslands snarlækkar

Skuldatryggingaálag Íslands hefur snarlækkað frá því í gærdag. Álagið mælist nú 252 punktar samkvæmt CMA og Bloomberg fréttaveitunni og birt er á vefsíðunni keldan.is.

Í gærdag var álagið komið í 297 punkta og fyrir helgina stóð álagið í rúmum 240 punktum. Þessar sveiflur á álagi Íslands eru í samræmi við þær miklu sveiflur sem verið hafa á mörkuðum undanfarið.

Sem stendur er uppsveifla í gangi í Evrópu sem dregið hefur almennt úr skuldatryggingaálagi ríkja í álfunni.