Uppsveiflan heldur áfram á fasteignamarkaðinum

Fjöldi þinglýstra kaupsamninga á höfuðborgarsvæðinu í síðustu viku var 108. Þetta eru töluvert fleiri samningar en nema meðaltali síðustu 12 vikna en 84 samningar hafa verið gerðir vikulega á því tímabili.

Fjallað er um málið á vefsíðu Þjóðskrárinnar. Þar segir að af þessum 108 samningum voru 89 samningar um eignir í fjölbýli, 16 samningar um sérbýli og 3 samningar um annars konar eignir en íbúðarhúsnæði. Heildarveltan var 2.886 milljónir króna og meðalupphæð á samning 26,7 milljónir króna.

Bæði veltan og meðalupphæð eru lægri en nemur meðaltali síðustu 12 vikna en veltan hefur verið rúmir 2,5 milljarðar kr. og meðalupphæðin tæpar 30 milljónir kr. á viku.

Á sama tíma var 5 kaupsamningum þinglýst á Suðurnesjum. Þar af var 1 samningur um eignir í fjölbýli og 4 samningar um sérbýli . Heildarveltan var 88 milljónir króna og meðalupphæð á samning 17,6 milljónir króna.

Á sama tíma var 12 kaupsamningum þinglýst á Akureyri. Þar af voru 8 samningar um eignir í fjölbýli og 4 samningar um sérbýli. Heildarveltan var 219 milljónir króna og meðalupphæð á samning 18,3 milljónir króna.

Á sama tíma var 3 kaupsamningum þinglýst á Árborgarsvæðinu. Þar af var 1 samningur um eignir í fjölbýli og 2 samningar um sérbýli. Heildarveltan var 55 milljónir króna og meðalupphæð á samning 18,3 milljónir króna.