Meðalárslaun um 70 milljónir

Skilanefnd og slitastjórn Glitnis þáðu samtals 348 milljónir króna í laun á síðasta ári, samkvæmt ársuppgjöri Glitnis sem birt var í morgun.

Launin skiptast niður á fimm manns, en þrír sitja í skilanefnd Glitnis og tveir í slitastjórninni, eftir því sem fram kemur á vef Glitnis. Að meðaltali hefur því hver og einn fengið um sjötíu milljónir króna í sinn hlut fyrir ársstarf. Þá kemur fram að Kristján Óskarsson, framkvæmdastjóri skilanefndarinnar, var með 21 milljón króna í árslaun á síðasta ári.

Samkvæmt ársuppgjöri starfaði 31 starfsmaður fyrir skilanefndina í fyrra og voru þeir samtals með 327 milljónir í laun.