Landsbankinn veitir nýsköpunarstyrki

Samfélagssjóður Landsbankans mun í ár veita nýsköpunarstyrki í fyrsta sinn. Veittir verða 27 styrkir fyrir samtals að fjárhæð 15.000.000 króna.

Tekið er á móti umsóknum til 16. september 2011. Veittir verða sjö styrkir að upphæð 1 milljón króna hver og tuttugu styrkir að fjárhæð 400 þúsund krónur hver.

Fjallað er um málið á vefsíðu bankans. Þar segir að markmið nýsköpunarstyrkja Landsbankans sé að gefa frumkvöðlum tækifæri að þróa nýja viðskiptahugmynd, eldri viðskiptahugmynd á nýju markaðssvæði eða nýja vöru.

Nýsköpunarstyrkjunum er jafnframt ætlað að styðja við frumkvöðla til kaupa á efni, tækjum eða sérfræðiþjónustu vegna nýsköpunar eða sækja námskeið sem sannanlega byggir upp færni sem nýtist við þróun viðskiptahugmyndar.

Dómnefnd er skipuð fimm fagaðilum, tveimur innan bankans og þremur utan bankans.