Enn mikið líf á fasteignamarkaðinum

Fjöldi þinglýstra kaupsamninga á höfuðborgarsvæðinu í þessari viku var 101. Þetta er tíu samningum meir en nemur meðaltali síðustu 12 vikna sem er 91 samningur á viku.

Þetta kemur fram á vefsíðu Þjóðskrár Íslands. Af þessum 101 samningi voru 69 samningar um eignir í fjölbýli, 25 samningar um sérbýli og 7 samningar um annars konar eignir en íbúðarhúsnæði. Heildarveltan var 2.929 milljónir króna og meðalupphæð á samning 29 milljónir króna.

Til samanburðar má nefna að heildarveltan hefur verið tæpir 2.6 milljarðar kr. á viku undanfarnar 12 vikur og meðalupphæð hefur verið 28,5 milljónir kr.

Í vikunni var 2 kaupsamningum þinglýst á Suðurnesjum. Það voru samningar um sérbýli. Heildarveltan var 45 milljónir króna og meðalupphæð á samning 22,3 milljónir króna.

Á sama tíma var 6 kaupsamningum þinglýst á Akureyri. Þar af voru 3 samningar um eignir í fjölbýli og 3 samningar um sérbýli. Heildarveltan var 113 milljónir króna og meðalupphæð á samning 18,8 milljónir króna.

Á sama tíma var 3 kaupsamningum þinglýst á Árborgarsvæðinu. Þar af voru 2 samningar um sérbýli og 1 samningur um annars konar eignir en íbúðarhúsnæði. Heildarveltan var 47 milljónir króna og meðalupphæð á samning 15,8 milljónir króna.