FME beitir Byr dagsektum

Fjármálaeftirlitið (FME) beitir Byr dagsektum vegna brot bankans á reglum um skil ársreikninga. Samkvæmt reglum hefði Byr átt að skila inn ársreikningi fyrir síðasta starfsár í mars.

Fjallað er um málið í Morgunblaðinu í dag. Þar segir að komið hefur fram að ársreikningurinn verði ekki birtur fyrr en að lokinni sölu á 94% hlut skilanefndar Byrs í bankanum. Búist er við því að salan á bankanum verði frágengin um miðjan þennan mánuð.

Í samtali við Morgunblaðið staðfestir Gunnar Andersen, forstjóri Fjármálaeftirlitsins, að engu fjármálafyrirtæki hafi verið veitt undanþága frá 95. grein laga um fjármálafyrirtæki, en hún kveður á um skil ársreikninga.