Gjaldeyrisforðinn lækkaði milli mánaða

Gjaldeyrisforði Seðlabankans nam 911,7 milljörðum króna í lok september og lækkaði um 3,6 milljarða króna milli mánaða.

Hreinn gjaldeyrisforði, þ.e. erlendar eignir að frádregnum erlendum skammtíma skuldum, nam um 481 milljörðum kr. í lok september.

Þetta kemur fram í hagstölum Seðlabankans. Þar segir að nettó útgreiðslur gjaldeyriseigna Seðlabankans og ríkissjóðs fyrir næstu 12 mánuði eru áætlaðar um 431 milljarðar kr. miðað við í lok september. Samkvæmt því á ríkið vel fyrir erlendum skuldum sínum næsta árið.