SP-toppar fara frá Landsbankanum

Kjartan G. Gunnarsson, framkvæmdastjóri Bíla og tækjafjármögnunar hjá Landsbankanum, hefur ákveðið að láta af störfum. Hið sama á við um forstöðumennina Pétur Gunnarsson og Herbert Arnarson.

Allir voru þeir í forystusveit hjá SP - Fjármögnun og verða bankanum til ráðgjafar um rekstur Bíla- og tækjafjármögnunar á meðan þurfa þykir, eins og segir í tilkynningu frá bankanum. Ekki verður ráðið í stöðu framkvæmdastjóra strax, heldur mun Hjördís D. Vilhjálmsdóttir, framkvæmdastjóri Endurskipulagningar eigna hafa umsjón með sviðinu fyrst um sinn.

„Nú hefur SP-Fjármögnun verið sameinað Landsbankanum og framundan eru frekari breytingar og þróun á starfseminni. Ég vildi fylgja hinu nýja sviði fyrstu skrefin en nú þegar þau hafa verið tekin tel ég rétt að draga mig í hlé,“ segir Kjartan meðal annars í yfirlýsingu frá Landsbankanum.