Johnson: Millistéttin borgar fyrir glannaskap banka

Simon Johnson, prófessor í hagfræði við MIT háskólann í Boston, segir að „millistéttin" sé að borga brúasann fyrir glannaskap bankanna. Þetta sjáist víða og sér í reynd alþjóðlegt einkenni á vandamálum sem hagkerfi heimsins glími nú við.

Þetta kemur fram á bloggsvæði Johnson á vefsíðu Bloomberg fréttaveitunnar.

Johnson, sem flutti erindi á vefsíðu ráðstefnu í Hörpu á dögunum, vitnar til Íslands og segir að landið hafi verið „rekið eins og vogunarsjóður" fyrir hrun. Það að fjármálakerfið hafi orðið 10 sinnum stærra en sem nam árlegri landsframleiðslu sé eitthvað sem fái fólki til þess að gráta eða hlæja. Hann segir að aðrar þjóðir, m.a. Bandaríkin, hafi gert sambærileg mistök á margan hátt, nefnilega að ýta undir alltof mikla áhættutöku banka sem á endanum séu með ríkisábyrgð.

Johnson minnist einnig á Steingrím J. Sigfússon, fjármálaráðherra, og segir hann vera eina stjórnmálamanninn sem hann hafi heyrt til sem nálgist málin út frá því að verja hag þeirra sem minnstar tekjur hafi. Þetta sé sjaldgæft á alþjóðavísu.

Blogg Johnson má sjá hér.