Karl Wernersson heldur hundruðum milljóna

Héraðsdómur Reykjavíkur vísaði í dag frá máli þrotabús Milestone á hendur Karli Wernerssyni, stærsta eiganda Milestone, um greiðslur á verðmætum sem Karl fékk í aðdraganda gjaldþrots Milestone.

Málið varðaði riftun á greiðslum frá í september 2007 þar til í febrúar 2009. Þrotabúið krafðist að um 500 milljóna króna greiðslum til Karls yrði rift og að Karl myndi greiða þrotabúinu 418 milljónir króna.

Karli var stefnt þann 9. nóvember í fyrra og taldi Héraðsdómur Reykjavíkur að þá hafi frestur til málshöfðunar verið runnin út. Málinu var því vísað frá dómi.