HS Orka tapaði 932 milljónum á fyrstu 9 mánuðum ársins

HS Orka hefur tapað 932 milljónum króna á fyrstu 9 mánuðum ársins. Á sama tímabili í fyrra varð hinsvegar hagnaður upp á rúmlega 1,2 milljarða króna.

Tekjurnar á tímabilinu námu rúmlega 5,5 milljörðum króna og jukust um rúmlega 400 milljónir króna frá sama tímabili í fyrra.

Þetta kemur fram í árshlutareikningi HS Orku sem sendur hefur verið til Kauphallarinnar. Heildareignir HS Orku námu tæplega 40 miljörðum króna í lok september. Þær stóðu í 41,5 milljörðum króna um síðustu áramót.

Eigið fé nemur 16,4 milljörðum og eiginfjárhlutfallið er 41,2%.