Mikil aukning á sölu fasteigna í borginni

Alls var 113 kaupsamningum um fasteignir þinglýst á höfuðborgarsvæðinu í síðustu viku. Þetta er mikil aukning á fjöldi samninga frá vikunni á undan þegar þeir voru 74 talsins.

Fjallað er um málið á vefsíðu Þjóðskrár Íslands. Þar segir að af þessum 113 samningum voru 82 samningar um eignir í fjölbýli, 27 samningar um sérbýli og 4 samningar um annars konar eignir en íbúðarhúsnæði. Heildarveltan var 3,5 milljarðar króna sem er 600 milljónum króna meiri velta en nemur meðaltalinu á viku undanfarna þrjá mánuði.

Í síðustu viku var 5 kaupsamningum þinglýst á Suðurnesjum. Þar af voru 3 samningar um sérbýli og 2 samningar um annars konar eignir en íbúðarhúsnæði. Heildarveltan var 174 milljónir króna og meðalupphæð á samning 34,8 milljónir króna.

Á sama tíma var 14 kaupsamningum þinglýst á Akureyri. Þar af voru 9 samningar um eignir í fjölbýli og 5 samningar um sérbýli. Heildarveltan var 304 milljónir króna og meðalupphæð á samning 21,7 milljónir króna.

Á sama tíma var engum kaupsamningum þinglýst á Árborgarsvæðinu.