Búið er að ganga frá sölunni á tískuverslunarkeðjunni All Saints í Bretlandi. Kaupendurnir eru fjárfestingarsjóðirnir Lion Capital og Goode Partners. Seljendur eru skilanefndir Glitnis og Kaupþings en All Saints var áður í eigu Baugs.
Samkvæmt frétt um málið í Daily Mail er Lion Capital stærsti eigandi All Saints með 65% hlut en Goode Partners á 11%. Kevin Stanford stofnandi All Saints mun eignast 15% hlut og stjórnendur keðjunnar 9%.
Kaupverðið er ekki gefið upp en Daily Mail segir að reiknað sé með að hinir nýju eigendur muni greiða niður hluta af 53 milljóna punda skuldum keðjunnar til að létta undir með rekstri hennar.
All Saints var á leið í greiðslustöðvun fyrir þessi kaup en hjá keðjunni starfa nær 2.000 manns og hún rekur 62 verslanir í Evrópu, Bandaríkjunum og Rússlandi. Talið er að verðmæti All Saints nemi rúmum 100 milljónum punda eða í kringum 19 miljörðum kr.
FH
Breiðablik
