Veltan á fasteignamarkaðinum í meðallagi

Fjöldi þinglýstra kaupsamninga á höfuðborgarsvæðinu í síðustu viku var 98. Þar af voru 83 samningar um eignir í fjölbýli, 14 samningar um sérbýli og 1 samningur um annars konar eignir en íbúðarhúsnæði. Heildarveltan var tæpir 2,7 milljarðar króna og meðalupphæð á samning 27,4 milljónir króna.

Þetta kemur fram á vefsíðu Þjóðskrár Íslands. Fjöldi samninga er aðeins undir meðaltali síðustu 12 vikna sem er 101 samningur á viku. Veltan og meðalupphæð samnings voru einnig aðeins undir fyrrgreindu meðaltali.

Í síðustu viku var 6 kaupsamningum þinglýst á Suðurnesjum. Þar af var 1 samningur um eignir í fjölbýli og 5 samningar um sérbýli. Heildarveltan var 149 milljónir króna og meðalupphæð á samning 24,9 milljónir króna.

Á sama tíma var 2 kaupsamningum þinglýst á Akureyri. Þar af var 1 samningur um eignir í fjölbýli og 1 samningur um sérbýli. Heildarveltan var 34 milljónir króna og meðalupphæð á samning 16,8 milljónir króna.

Á sama tíma var 5 kaupsamningum þinglýst á Árborgarsvæðinu. Þeir voru allir um sérbýli. Heildarveltan var 133 milljónir króna og meðalupphæð á samning 26,6 milljónir króna.