Spilar inn jólin 1. nóvember 2011 00:01 Sigríður Rósa ásamt börnum sínum Heiðu Máneyju, 2 ára, og Ægi, eins árs, Einarsbörnum Hafberg. Ægir heldur á spiladósinni góðu. Sigríður Rósa Kristinsdóttir, mamma með meiru, á sérstakan jólagrip sem hún metur umfram aðra. „Uppáhaldsjólaskrautið mitt er spiladós sem ég fékk í jólagjöf frá mömmu og pabba þegar ég var sextán ára. Þetta er ofboðslega falleg glerkúla með jólasveinabangsa inni í sem spilar Bjart er yfir Betlehem,“ segir Sigríður Rósa og bætir því við að henni hafi þótt mikið til þess koma að fá svona fallegan grip. „Það voru ekki til neitt rosalega miklir peningar á heimilinu þegar ég var unglingur og ég var svo upp með mér að fá svona undurfallegt jólaskraut í jólagjöf. Þetta er svo eigulegur og varanlegur gripur.“ Spiladósin var of dýrmæt til að fara með Sigríði til Þýskalands þar sem hún bjó í sex ár en jólin komu þó þar eins og heima. Henni finnst jólin í Þýskalandi ekki ólík jólunum hér en þó ber ýmislegt á milli. „Þjóðverjar skreyta ekki eins mikið og við hérna heima, mér fannst til dæmis vanta jólaljós, og þeir fara ekki í sparifötin á jólunum en að öðru leyti voru þýsku jólin svipuð þeim íslensku og pakkar opnaðir á aðfangadagskvöld,“ segir Sigríður. Nú þegar hún hefur sest að í Reykjavík á spiladósin góða sinn stað á heimilinu, ofan á kommóðu. „Já, spiladósin er einn af fáum hlutum sem eru á sama stað ár eftir ár, á sér sinn heiðurssess í samræmi við hvað hún er mér mikils virði.“ Og hún mun spila inn jólin hjá Sigríði og fjölskyldu, nú eins og undanfarin ár. - bb Jólaskraut Mest lesið Jólalag dagsins: Magni og Heimir flytja Þegar jólin koma Jól Enn stelur Kertasníkir senunni þótt hann sé ekki kominn til byggða Jól Upplifir öðruvísi jól í ár: „Það verður alvöru jólasól og stemning“ Jól Jólamolar: Gat ekki borðað hamborgarhrygg í mörg ár eftir að hann borðaði yfir sig Jól Gógó-dansarar sungu Sweet Caroline þegar klukkan sló sex á aðfangadag Jól Óhefðbundin jól í Chile: „Vorum þvílíkt klár í jólin en þau ætluðu aldrei að byrja“ Jól Var fram á aðfangadag að vinna að jólakveðju fyrir Apple: „Þetta var svo geggjað draumaverkefni“ Jól Jóladagatal Vísis: Smákökurnar hennar ömmu og pissudúkkan Sindri Jól Leit hafin að best skreytta húsinu á Íslandi Jól Jólamolar: Ekkert verra en að vera þunnur á aðfangadag Jól
Sigríður Rósa Kristinsdóttir, mamma með meiru, á sérstakan jólagrip sem hún metur umfram aðra. „Uppáhaldsjólaskrautið mitt er spiladós sem ég fékk í jólagjöf frá mömmu og pabba þegar ég var sextán ára. Þetta er ofboðslega falleg glerkúla með jólasveinabangsa inni í sem spilar Bjart er yfir Betlehem,“ segir Sigríður Rósa og bætir því við að henni hafi þótt mikið til þess koma að fá svona fallegan grip. „Það voru ekki til neitt rosalega miklir peningar á heimilinu þegar ég var unglingur og ég var svo upp með mér að fá svona undurfallegt jólaskraut í jólagjöf. Þetta er svo eigulegur og varanlegur gripur.“ Spiladósin var of dýrmæt til að fara með Sigríði til Þýskalands þar sem hún bjó í sex ár en jólin komu þó þar eins og heima. Henni finnst jólin í Þýskalandi ekki ólík jólunum hér en þó ber ýmislegt á milli. „Þjóðverjar skreyta ekki eins mikið og við hérna heima, mér fannst til dæmis vanta jólaljós, og þeir fara ekki í sparifötin á jólunum en að öðru leyti voru þýsku jólin svipuð þeim íslensku og pakkar opnaðir á aðfangadagskvöld,“ segir Sigríður. Nú þegar hún hefur sest að í Reykjavík á spiladósin góða sinn stað á heimilinu, ofan á kommóðu. „Já, spiladósin er einn af fáum hlutum sem eru á sama stað ár eftir ár, á sér sinn heiðurssess í samræmi við hvað hún er mér mikils virði.“ Og hún mun spila inn jólin hjá Sigríði og fjölskyldu, nú eins og undanfarin ár. - bb
Jólaskraut Mest lesið Jólalag dagsins: Magni og Heimir flytja Þegar jólin koma Jól Enn stelur Kertasníkir senunni þótt hann sé ekki kominn til byggða Jól Upplifir öðruvísi jól í ár: „Það verður alvöru jólasól og stemning“ Jól Jólamolar: Gat ekki borðað hamborgarhrygg í mörg ár eftir að hann borðaði yfir sig Jól Gógó-dansarar sungu Sweet Caroline þegar klukkan sló sex á aðfangadag Jól Óhefðbundin jól í Chile: „Vorum þvílíkt klár í jólin en þau ætluðu aldrei að byrja“ Jól Var fram á aðfangadag að vinna að jólakveðju fyrir Apple: „Þetta var svo geggjað draumaverkefni“ Jól Jóladagatal Vísis: Smákökurnar hennar ömmu og pissudúkkan Sindri Jól Leit hafin að best skreytta húsinu á Íslandi Jól Jólamolar: Ekkert verra en að vera þunnur á aðfangadag Jól
Var fram á aðfangadag að vinna að jólakveðju fyrir Apple: „Þetta var svo geggjað draumaverkefni“ Jól
Var fram á aðfangadag að vinna að jólakveðju fyrir Apple: „Þetta var svo geggjað draumaverkefni“ Jól