Skuldir lækka meir en eignir hjá innlánsstofnunum

Heildareignir innlánsstofnana námu 2.755 milljörðum kr. í lok apríl 2011 og lækkuðu um 4,5 milljarða kr. frá fyrri mánuði.

Þetta kemur fram í hagtölum Seðlabankans. Þar segir að innlendar eignir námu 2.464 milljarða kr. og hækkuðu um 6,2 milljarða kr. og erlendar eignir námu 291 milljarði kr. og lækkuðu um 10,7 milljarða kr. á milli mánaða.

Heildarskuldir innlánsstofnana námu 2.297 milljörðum kr. og lækkuðu um 12,5 milljarða kr. Innlendar skuldir námu 2.109 milljörðum kr. og lækkuðu um 10,3 milljarða kr. en erlendar skuldir lækkuðu um 2,2 milljarða kr. og námu 188 milljarða kr. Eigið fé nam 459 milljörðum kr. í lok apríl.

Útlán Arion banka hf., Íslandsbanka hf. og NBI hf. eru í þessum tölum metin á kaupvirði þ.e. því virði sem þessir aðilar keyptu útlánasafnið á af fyrirrennurum sínum. Lánasöfnin eru endurmetin reglulega sem getur leitt til hækkunar eða lækkunar á virði einstakra lána. Breytingar á útlánasafni þessara aðila geta því stafað af endurmati á virði lána eða af raunverulegum lánahreyfingum.