Eignir sjóða jukust um 4,4 milljarða í apríl

Eignir verðbréfa- og fjárfestingarsjóða námu 308,3 milljörðum kr. í lok apríl og hækkuðu um 4,4 milljarða kr. milli mánaða.

Þetta kemur fram í hagtölum Seðlabankans. Þar segir að sjóður og bankainnstæður hækkuðu um 3,2 milljarða kr. í mánuðinum. Spariskírteini ríkissjóðs hækkuðu um 4,2 milljarða kr., íbúðabréf hækkuðu um 4,7 milljarða kr.  Önnur ríkisbréf lækkuðu um 7,3 milljarða kr.

Innlend verðbréf nema 93,3% af heildareignum, sem eru að stærstum hluta ríkistryggð verðbréf.

Í lok apríl var opið fyrir viðskipti með hlutdeildarskírteini í 60 sjóðum. Einn nýr sjóður bættist við í mánuðinum. 15 sjóðir í slitaferli eru taldir með í birtum gögnum í mars, þar sem verið er að gera upp eignir sjóðanna áður en þeim verður lokað.