Candy bræðurnir selja dýrustu lúxusíbúð Bretlands

Candy bræðurnir, fyrrum viðskiptafélagar Kaupþings, hafa selt það sem telst vera dýrasta lúxusíbúð í Bretlandi. Um er að ræða þakíbúð á þremur hæðum í One Hyde Park turnunum í London.

Verðmiðinn á íbúðinni er um 23 milljarðar króna. Með í kaupunum er vínkjallari og aðgangur að herbergisþjónustu Mandourin Oriental hótelsins sem stendur við hliðina á turnunum.

Kaupandinn er óþekktur en kaupin voru gerð á vegum lögmannsskrifstofu í Úkraníu. Kaupandinn keypti tvær efstu íbúðirnar í einum turninum og bjó til fyrrgreinda lúxusíbúð úr þeim.

Í One Hyde Park turnunum eru 45 íbúðir og er söluverðmæti þeirra í heild hátt í 170 milljarðar króna.