Spáir því að verðbólgan fari í 5,2% í ágúst

Greiningardeild Arion banka spáir 0,4% hækkun vísitölu neysluverðs í ágúst. Gangi spáin eftir mun ársverðbólgan mælast 5,2% samanborið við 5% í júlí.

Fjallað er um málið í Markaðspunktum greiningarinnar. Þar segir að verðbólguna má að þessu sinni rekja til áhrifa vegna útsöluloka, en þau koma fram að hluta í ágúst og afgangurinn í september. Eldsneytisverð hefur áhrif til lækkunar.

Gangi bráðabirgðaspá greiningarinnar eftir er útlit fyrir að 12 mánaða verðbólga verði rétt undir 6% í árslok.