Tæplega 5.000 greiða 4,8 milljarða í auðlegðarskatt

Auðlegðarskatt greiða 4.800 aðilar, samtals 4,8 milljarða. Hjón greiða skattinn sitt í hvoru lagi og því eru fjölskyldur sem hann greiða færri en þetta.

Þetta kemur fram í tilkynningu frá ríkisskattstjóra. Þar segir að frumálagning auðlegðarskatts fer nú fram í annað sinn og endurálagning í fyrsta sinn. Skatthlutfall var hækkað frá fyrra ári og eignamörk lækkuð. Nettóeignarmörk ein­hleyp­ings eru 75 milljónir kr. og hjá hjónum 100 milljónir kr. Skatturinn er 1,5% af þeirri eign sem umfram mörkin er.

Viðbótarálagning vegna hlutafjáreignar ársins á undan nær til næstum jafn margra og greitt höfðu auðlegðarskatt árið á undan. Álagningin, sem fór fram eftir reglum fyrra árs og með þeim mörkum sem þá giltu, nam 1,8 milljörðum kr.