Birgir Leifur í 23. sæti eftir þriðja hring

Kolbeinn Tumi Daðason skrifar 24. september 2011 19:45

Vonandi tekst Birgi Leifi að byggja á góðum leik sínum í dag í fyrramálið.

Birgir Leifur Hafþórsson úr GKG er í 23. sæti á opna austurríska mótinu í golfi að loknum þriðja hring. Mótið er hluti af Evrópumótaröðinni í golfi.

Daninn Thomas Nörret er í fyrsta sæti á níu höggum undir pari samanlagt. Birgir Leifur, sem spilaði á fjórum höggum undir pari í dag, er á tveimur höggum undir pari samanlagt.

Síðasti hringurinn verður leikinn á morgun og er að miklu að keppa fyrir Birgi Leif. Heildarverðlaunafé mótsins er ein milljón evra eða sem nemur um 160 milljónum íslenskra króna.

Golf

Tengdar fréttir

Fín byrjun hjá Birgi í Austurríki á fyrsta keppnisdegi

Birgir Leifur Hafþórsson hefur lokið leik á fyrsta keppnisdegi á opna austurríska meistaramótinu í golfi sem er hluti af Evrópumótaröðinni. Birgir lék á 69 höggum eða 3 höggum undir pari og er hann á meðal efstu manna þessa stundina en fjölmargir kylfingar eiga eftir að ljúka leik í dag.

22. september 2011 11:03

Birgir Leifur líklega í gegnum niðurskurðinn

Birgir Leifur Hafþórsson kemst líklega í gegnum niðurskurðinn á opna austurríska mótinu. Birgir Leifur lék annan hring mótsins á 77 höggum eða fimm höggum yfir pari og er á tveimur höggum yfir pari samtals. Eins og staðan er núna dugar það Birgi Leifi í gegnum niðurskurðinn.

23. september 2011 15:08

Birgir Leifur í banastuði í Austurríki

Birgir Leifur Hafþórsson fór á kostum á þriðja hring opna austurríska golfmótsins í morgun. Birgir Leifur lék hringinn á 68 höggum eða fjórum undir pari vallarins. Hann er því á tveimur höggum undir pari samanlagt eftir þrjá hringi.

24. september 2011 11:30

Birgir Leifur: Þetta var frábært fyrir sjálfstraustið

Birgir Leifur Hafþórsson atvinnukylfingur úr GKG byrjaði mjög vel á Opna austurríska mótinu í golfi, sem tilheyrir Evrópumótaröðinni og hófst í Atzenbrugg í gær. Birgir lék fyrsta hringinn á 69 höggum, þremur höggum undir pari, sem skilar honum upp í 6. sætið.

23. september 2011 08:00