Framtíðarheimili með 4G í Lágmúla

Nova hefur byggt upp 4G kerfi á hluta höfuðborgarsvæðisins samkvæmt tilraunaleyfi Póst- og fjarskiptastofnunar sem Nova fékk úthlutað í sumar.

Í tilefni af því hefur Nova innréttað 4G íbúð í verslun sinni í Lágmúla 9 þar sem gestum og gangandi býðst að koma við og upplifa hvernig hin nýja 4G tækni kemur til með að nýtast á heimilum í framtíðinni.

4G er þráðlaus háhraðanettenging sem nær að minnsta kosti þreföldum hraða borið saman við hröðustu ADSL nettengingar. Heimili munu tengjast 4G netþjónustunni með 4G-boxi sem kemur í staðinn fyrir ADSL-box eins og algeng eru í dag. Aðeins þarf að tengja 4G-boxið við rafmagn. 4G er nú þegar komið í notkun t.d. á hinum Norðurlöndunum, í Eystrasaltslöndunum og í Bandaríkjunum auk þess sem uppbygging á sér stað víða um heim.

„Talið er að sprenging verði í notkun internetsins í gegnum farsímakerfi á næstu árum. Þess vegna er talið nauðsynlegt að ráðast sem fyrst í uppbyggingu öflugs 4G kerfis til að geta mætt þeirri eftirspurn sem fyrirsjáanlegt er að verði," segir Liv Bergþórsdóttir framkvæmdastjóri Nova.

Fyrstu prófanir Nova sýna að með 4G kerfinu er hægt að ná allt að 70-80 Mb/s nethraða við bestu aðstæður. Einnig verður hægt að tengjast 4G þjónustunni með túrbó-pungum fyrir fartölvur og á næsta ári munu einnig koma á markað 4G farsímar og spjaldtölvur.

Nova væntir þess að Póst- og fjarskiptatofnun úthluti 4G tíðniheimildum snemma á næsta ári og í framhaldi af því geti uppbygging 4G kerfa hafist fyrir alvöru hér á landi og hægt verði að bjóða 4G tengingar í almennri sölu.

Þeir sem vilja fræðast enn frekar um 4G geta kíkt á nova.is/4g. Einnig verða kynningar á 4G í íbúðinni í verslun Nova í Lágmúla alla virka daga klukkan 12 til 13 út þessa viku.