Hamborgarakeðjan Burger King hefur sett hamborgaraskrímsli á markaðinn undir nafninu Meat Monster.
Þessi hamborgari inniheldur tæpar 1.200 hitaeiningar eða um helminginn af daglegri orkuþörf venjulegs einstaklings. Saltmagnið er þó vel yfir ráðlagðri dagsþörf einstaklinga.
Meat Monster samanstendur af risavöxnum hamborgarabrauði og í því eru tvö nautakjötsbuff, heil kjúklingabringa, þrjár sneiðar af beikoni og þrjár sneiðar af osti. Með þessu er svo salat og sneiðar af lauk og tómat ásamt sósu. Hægt er að panta sér auka buff, kjúklingabringu eða beikon á hamborgarann.
Sem stendur fæst þessi hamborgari aðeins í Japan og kostar þar 820 jen eða rúmlega 1.000 kr.
Hamborgaraskrímsli inniheldur 1.200 hitaeiningar
