Hrávörusérfræðingar Bank of America hafa sent frá sér greiningu á þróun olíuverðs út þetta ár. Þeir telja að 30% líkur séu á að verðið nái 160 dollurum fyrir árslok. Til skamms tíma telja sérfræðingarnir að mjög sennilega fari olíuverðið í 140 dollara á tunnuna, það er á næstu þremur mánuðum.
Fjallað var um málið á sjónvarpsstöðinni CNBC. Þessi aðvörun frá sérfræðingum Bank of America kemur aðeins fáeinum dögum eftir að Alþjóðlega orkumálastofnunin sendi frá sér álit um að olíuverð í 100 dollurum á tunnuna gæti bremsað veikan efnahagsbata í heiminum.
Greiningin sem sett var fram byggir m.a. á því að aukin eftirspurn eftir olíu þessa dagana kemur á sama tíma og að framleiðslan í Líbíu hefur dregist saman um milljón tunnur á dag. Ekki er útlit fyrir að framleiðsla Líbíu fari aftur á fullt skrið í náinni framtíð. Raunar segja sérfræðingarnir að ef staðan í Líbíu versni frá því sem nú er megi búast við enn hærra olíuverði í ár.
Heimsmarkaðsverð á olíu hefur hækkað gífurlega undanfarna mánuði. Í nóvember s.l. var verðið á Brent olíunni 85 dollarar á tunnuna. Í janúar var 100 dollara múrinn rofinn og í dag stendur verðið í yfir 120 dollurum á tunnuna.
Aðvörun: Olíuverðið í 160 dollara á tunnuna

Mest lesið

Hlutabréf Play ruku upp við opnun markaða
Viðskipti innlent


Bílastæðafyrirtæki fá á baukinn
Neytendur


Tekur við fyrirtækjaráðgjöf Arion banka
Viðskipti innlent

„Erum bara að hætta þeirri starfsemi sem hefur gengið illa“
Viðskipti innlent

Vilja taka yfir Play
Viðskipti innlent


Boða komu HBO Max til landsins á ný
Viðskipti innlent

Aukinn samdráttur á flugi til Íslands með breyttu Play
Viðskipti innlent