Fá að selja Sony Vaio tölvur á Íslandi

Sony á Norðurlöndunum hefur veitt Sony Center í Kringlunni, sem er í eigu Nýherja, umboð fyrir Sony Vaio fartölvum hér á landi. Fartölvurnar hafa lítið sést í sölu hér á landi en nú hefur Sony samþykkt að styðja Sony Center vegna sölu og þjónustu á tölvunum.

Eyjólfur Jóhannesson hjá Sony Center í Kringlunni segir að búðin leggi mikla áherslu á að bjóða sömu Sony vörur og aðrar Sony Center verslanir og vekja um leið þau hughrif sem fólk upplifir í slíkum verslunum hvar sem er í heiminum.

Hanns egir að mikilvægt sé að hafa fengið formlegt samþykki á sölu á Vaio fartölvum. „Slíkt samþykki inniber mikilvægan stuðning við Sony Center að því er varðar ábyrgð og þjónustu á búnaðinum,“ segir í tilkynningunni.

Sony raftækjaframleiðandinn á sér langa sögu við framleiðslu far- og einmenningstölva, eða allt frá 9. áratug 20. aldar. Það var hins vegar árið 1996 sem Sony hóf framleiðslu á Sony Vaio fartölvum, segir ennfremur í tilkynningunni.