Sæbýli þróar sjálfbært eldiskerfi

Sæbýli þróar sjálfbært eldiskerfi

 

Sæbýli ehf hefur þróað sjálfbært eldiskerfi (SustainCycle ) fyrir botnlæg sjávardýr eins og japönsk sæbjúgu, sæeyru eða ígulker. Sæbýli er nýsköpunarfyrirtæki sem byggir á grunni 20 ára þekkingarsöfnunar á sæeyrnaeldi.

 

Í tilkynningu frá iðnaðarráðuneytinu segir að SustainCycle tæknin miðar að því að skapa bestu lf﷽﷽﷽﷽﷽﷽﷽﷽og hf﷽﷽﷽﷽﷽﷽﷽﷽og hgfdfhujnkkll og híffræðilegar aðstæður fyrir eldið á sama tíma og rekstrarkostnaði er haldið í lágmarki.Sjálfbærni kerfisins felst í því að eldisvökvinn er nýttur svo vel að einungis er þörf á að skipta út 20% af rúmmáli hans á sólarhring. Í þessu felst gífurlegur orkusparnaður.

 

Í júní á síðasta ári flutti félagið inn japönsk sæbjúgu til að gera tilraunir með í SustainCycle eldiskerfinu. Hafa þessar tilraunir gengið mjög vel og eru vonir bundnar við að Sæbýli takist að framleiða þessa tegund sæbjúgna í stýrðum aðstæðum, fyrst fyrirtækja í heiminum.

 

Markaður fyrir japönsk sæbjúgu er mjög góður og verðið mjög hátt. Eftirspurnin í Kína er gífurleg og alltaf að aukast vegna vaxandi velmegunar á þeim slóðum. En á sama tíma er búin að vera gengdarlaus ofveiði í heiminum sem leiðir til þess að minni afli berst á land. Eldi á sæbjúgum hefur líka gengið brösuglega erlendis þar sem  mest er notast við gamla tækni úr tjarnareldi fyrir rækjur.