Heldur dregur úr fjölda kaupsamninga um fasteignir

Heldur dró úr fjölda þinglýstra kaupsamninga á höfuðborgarsvæðinu í síðustu viku en þeir voru 92 talsins. Hinsvegar hefur 100 samningum verið þinglýst á viku að meðaltali undanfarnar 12 vikur.

Þetta kemur fram á vefsíðu Þjóðskrár Íslands. Þar segir að af þessum 92 samningum voru 69 samningar um eignir í fjölbýli, 15 samningar um sérbýli og 8 samningar um annars konar eignir en íbúðarhúsnæði.

Heildarveltan var 3 milljarðar króna og meðalupphæð á samning 32,6 milljónir króna. Vikuveltan var álíka og meðaltal síðustu 12 vikna en meðalupphæð á samning var tæplega 3 milljónum króna hærri en meðaltalið.