Viðskipti innlent

Tómas Már verður forstjóri Alcoa í Evrópu

Jón Hákon Halldórsson skrifar
Tómas Már Sigurðsson, forstjóri Alcoa Fjarðaáls, mun taka við sem forstjóri Alcoa í Evrópu með aðsetur í Genf þann 1. janúar næstkomandi. Tómas mun jafnframt hafa með höndum yfirstjórn álframleiðslusviðs Alcoa í álfunni. Starfsfólki Fjarðaáls var tilkynnt um breytinguna í dag.

Tómas Már tekur við stöðunni af Marcosi Ramos sem var nýlega ráðinn forstjóri álframleiðslusviðs Alcoa í löndum Suður Ameríku og í Karíbahafi. Tómas mun bera ábyrgð á samræmingu aðgerða allra starfsstöðva Alcoa í Evrópu, sem eru um fimmtíu talsins. Sem forstjóri álframleiðslusviðs (GPP) í Evrópu mun Tómas jafnframt bera ábyrgð á rekstri álvera Alcoa á Íslandi, Ítalíu, Spáni og í Noregi, auk súrálsverksmiðju Alcoa á Spáni.

Tilkynnt verður síðar hver tekur við starfi forstjóra Fjarðaáls við Reyðarfjörð.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið