Eimskip siglir á markað

Stjórn Eimskipafélags Íslands hf., hefur ákveðið að hefja undirbúning að skráningu félagsins á markað seinni hluta ársins  2012. Í tilkynningu frá félaginu kemdur Óskað verður eftir að hlutir í félaginu verði teknir til viðskipta á  Nasdaq OMX Iceland og stefnt er að því að viðskipti með hluti í félaginu hefjist í Kauphöllinni á seinni hluta ársins  2012.

Þá segir að útboðinu verði beint að fagfjárfestum og almennum fjárfestum og er markmiðið að með útboðinu verði tryggð almenn góð dreifingu á eignarhaldi í félaginu. Tvö ár eru liðin frá því að Eimskipafélag Íslands gekk í gegnum fjárhagslega- og rekstrarlega endurskipulagningu og hefur reksturinn gengið vel frá þeim tíma.

Tveir stærstu hluthafar félagsins í dag eru skilanefnd Landsbankans og fjárfestingarsjóðurinn Yucaipa sem eiga saman um 70 % hlutafjár í félaginu.