Frjálsi lífeyrissjóðurinn valinn bestur á Íslandi

Frjálsi lífeyrissjóðurinn hefur verið valinn besti lífeyrissjóður á Íslandi þriðja árið í röð af fagtímaritinu Investment Pension Europe. Jafnframt var sjóðurinn valinn næstbesti lífeyrissjóðurinn í þeim níu Evrópulöndum sem eru með færri en 1 milljón íbúa.

Frjálsi lífeyrissjóðurinn, sem er í rekstri hjá Arion banka, er um 100 milljarðar að stærð og sjóðfélagar eru rúmlega 42 þúsund talsins. Í tilkynningu frá Arion banka segir að sjóðurinn henti þeim sem hafi frjálst val um í hvaða lífeyrissjóð þeir greiði 12% lágmarksiðgjald og henti jafnframt þeim sem vilji ávaxta viðbótarlífeyrissparnað sinn.