Vísitala framleiðsluverðs lækkaði um 1,1%

Vísitala framleiðsluverðs í október síðastliðnum  var 213,1 stig og lækkaði um 1,1% frá september. Vísitala framleiðsluverðs fyrir sjávarafurðir hækkaði um 1,8% frá fyrri mánuði en vísitala fyrir stóriðju lækkaði um 4,5%.

Vísitala framleiðsluverðs fyrir vörur sem framleiddar voru og seldar innanlands var nánast óbreytt milli mánaða en vísitala fyrir útfluttar afurðir lækkaði um 1,3%.

Miðað við október í fyrra hefur vísitala framleiðsluverðs hækkað um 12,8% en verðvísitala sjávarafurða um 16,3%. Á sama tíma hefur verð á afurðum stóriðju hækkað um 10,4% en matvælaverð hefur hækkað um 8,0%.