Jónas Fr. spurði Gunnar Andersen spjörunum úr í dómsal

Jónas Fr. Jónsson, fyrrverandi forstjóri Fjármálaeftirlitsins og lögmaður, spurði Gunnari Þ. Andersen, núverandi forstjóra Fjármálaeftirlitsins, í Héraðsdómi Reykjavíkur í máli sem Ingólfur Guðmundsson, fyrrverandi stjórnarformaður Íslenska lífeyrissjóðsins rekur gegn FME.

Jónas er lögmaður Ingólfs, en sá síðarnefndi stefndi FME eftir að stofnunin komst að þeirri niðurstöðu í úrskurði sínum í ágúst í fyrra að Ingólfur hafi ekki sinnt eftirlitsskyldu sinni sem stjórnarformaður Íslenska lífeyrissjóðsins þegar hann lét hjá að líða að fylgjast með ráðstöfun eigna sjóðsins á árinu 2008 og bregðast við með viðeigandi hætti þegar fjárfestingar sjóðsins voru langt umfram lagaheimildir. Hann væri því ófær um að gegna starfi framkvæmdastjóra Lífeyrissjóðs verkfræðinga, sem hann var ráðinn til að gegna í fyrra.

Jónas spurði Gunnar Andersen í stutta stund, en Jónas spurði hann meðal annars út í eign þess síðarnefnda í Íslenska lífeyrissjóðnum, en hann mun eiga lífeyrissparnað þar.

Málflutningur í málinu fer fram á morgun, samkvæmt dagskrá héraðsdóms.