Þorsteinn þarf að greiða 150 milljónir

Þorsteinn M. Jónsson, fyrrverandi eigandi Vífilfells, hætti við áfrýjun á máli gegn Landsbankanum vegna sjálfsábyrgðar á víxli sem hann hafði skrifað undir. Héraðsdómur Reykjavíkur hafði dæmt manninn til þess að greiða 150 milljónir króna vegna málsins. Þorsteinn skaut málinu til Hæstaréttar 18 mars síðastliðinn en tveimur dögum fyrir málflutning óskaði hann eftir því að Hæstiréttur felldi málið niður. Héraðsdómur stendur því og Þorsteinn mun þurfa að greiða Landsbankanum 150 milljónir króna með vöxtum.