Landsbankinn búinn að afskrifa fyrir 390 milljarða

Landsbankinn hefur afskrifað skuldir að upphæð 390 milljarðar króna frá hruni, samkvæmt nýjum tölum sem bankinn birti í dag. Stærstur hluti þeirra eru skuldir stórra eignarhaldsfélaga sem litlar eignir áttu og fóru í gjaldþrot, eða kröfuhafar eignuðust eftir nauðsamninga. Þar er um að ræða þekkt félög eins og Stoðir, sem áður hét FL Group, og Atorku.

Landsbankinn gerir ráð fyrir að endurskipulagningu skulda fyrirtækja í vanda verði lokið í byrjun næsta árs. Bankinn segir að í tengslum við endurskipulagningu lána hafi vanskil fyrirtækja og heimila minnkað verulega að undanförnu.  Yfir 90 daga vanskil, sem er alþjóðlegur mælikvarði á vanskil, eru nú um 14,5% en voru um mitt ár um 24,5%.