Viðsnúningur til hins betra í rekstri BankNordik

Viðsnúningur til hins betra hefur orðið í rekstri BankNordik sem hét áður Færeyjabanki.

Hagnaður bankans nam 71 milljón danskra króna, eða rétt rúmalega 1,5 milljarða króna á fyrstu þremur ársfjórðungum ársins. Á sama tímabili í fyrra varð hinsvegar 40 milljóna danskra króna tap á rekstrinum.

Í tilkynningu um uppgjörið segir að kaup bankans á hluta af þrotabúi Amagerbanken hafi aukið verulega tekjur bankans í Danmörku og skýri að stórum hluta hagnaðinn í ár.

BankNordik er skráður í Kauphöllina hér á landi og er raunar eitt af félögunum sem myndar úrvalsvísitölu Kauphallarinnar.