Veltan með bréf í Icelandair tífaldaðist

Velta með hlutabréf í Icelandair Group tífaldaðist síðasta viðskiptadag fyrir sölu bréfa Framtakssjóðs Íslands á 10% hlut í félaginu. Þetta kemur fram í Viðskiptablaðinu í dag. Þessi stórauknu viðskipti vekja grun um .

Föstudaginn 4. nóvember tífaldaðist velta með bréf Icelandair Group, samanborið við meðalveltu bréfanna síðustu 24 viðskiptadaga á undan. Næsta viðskiptadag, mánudaginn 7. nóvember tilkynnti Framtakssjóður Íslands um sölu á 10% hlut í Icelandair Group. Þetta kemur fram í Viðskiptablaðinu í dag. Talið er að þessi mikla aukning viðskipta gæti gefið til kynna að einhverjum á markaði hafi verið kunnugt um áform Framtaksjóðs, áður en tilkynnt var um þau til Kauphallar.

Samkvæmt heimildum blaðsins fundaði stjórn Framtakssjóðsins áðurnefndan föstudag og tók ákvörðun um að selja bréfin, en sjóðurinn á enn 19% hlut í félaginu. Eftir hádegi tók sala bréfanna áberandi kipp og verð fór lækkandi í miklum viðskiptum og endaði í 5,47 krónum, en var fyrir hádegi í 5,74 krónum. Ljóst þykir, samkvæmt Viðskiptablaðinu, að lækkunin leiddi til þess að lámarksverð í útboði Framtakssjóðs á hlut sínum var lægra en ella.