Ný hæfnisnefnd vegna ráðningar Bankasýslunnar

Dr. Ásta Bjarnadóttir, vinnu- og skipulagssálfræðingur, hefur verið skipuð formaður hæfnisnefndar vegna ráðningar á forstjóra Bankasýslu ríkisins. Aðrir nefndarmenn eru dr. Friðrik Már Baldursson, hagfræðingur og Tryggvi Pálsson, hagfræðingur. Þetta kemur fram á vefsíðu Bankasýslu ríkisins.

Hæfnisnefndin mun móta vinnuferli fyrir mat á umsækjendum í samræmi við þær kröfur sem fram koma í auglýsingu um starf forstjóra Bankasýslunnar. Ferlið verður lagt fyrir stjórn Bankasýslunnar til samþykktar. Í kjölfarið mun nefndin framkvæma mat á hæfni umsækjenda sem m.a. mun styðjast við hæfismat FME fyrir stjórnendur og stjórnarmenn fjármálafyrirtækja. Mat nefndarinnar á hæfustu umsækjendum verður lagt fyrir stjórn Bankasýslunnar, sem tekur síðan ákvörðun um ráðningu forstjóra.

Páll Magnússon, skipaður var forstjóri Bankasýslunnar af fyrrum stjórn hennar, ákvað að taka ekki starfið eftir að stjórnin sagði af sér í heild sinni.