Hæfi Gunnars verður kannað aftur

Stjórn Fjármálaeftirlitsins ætlar að fela Andra Árnasyni, lögmanni, að kanna hvort eitthvað nýtt hafi komið fram um hæfi Gunnars Andersen, forstjóra Fjármálaeftirlitsins.

Aðalsteinn Leifsson, formaður stjórnar Fjármálaeftirlitsins, segir að stjórnin muni einnig skoða feril málsins og óháður aðili verður jafnframt fenginn til að fara yfir málið. Aðalsteinn segir að stjórn Fjármálaeftirlitsins hafi komið saman í dag til þess að fara yfir upplýsingar sem komu fram í Kastljósi RÚV í gær.

Fram kom í Kastljósi Sjónvarps í gær að Gunnar Andersen, forstjóri Fjármálaeftirlitsins, hafi verið virkur í stjórn aflandsfélaga Landsbankans.