Veiðiflugur komnar með Bernardelli byssurnar

Verslunin Veiðiflugur á Langholtsvegi er nú í óða önn að gera klárt fyrir rjúpnatímabilið.  Við tókum púlsinn á Hilmari Hanssyni í Veiðiflugum og spurðum hann um vöruúrval þeirra fyrir skotveiðimenn.

Hilmar segist leggja áherslu á að bjóða upp á allt tengt rjúpnaveiði, en aðal stolt verslunarinnar eru útivistarfatnaðurinn frá Patagonia auk þess sem verslunin hefur fengið söluumboð fyrir Bernardelli haglabyssurnar sem eru verulega vantaðar ítalskar haglabyssur á afar hagstæðu verði.

Patagonia fatnaðinn þekkja mjög margir, en Patagonia er stærsta merki heims í útivistarfatnaði.  Patagonia fyrirtækið framleiðir sína eigin öndunarfilmu sem er af mörgum talin sú besta fáanlega á markaðnum í dag. Fatnaðurinn frá þeim er mjög vandaður, og hafa þeir sem eiga slíkan fatnað helst kvartað yfir því að hann sé „of endingargóður, því maður er löngu kominn með leið á fatnaðinum áður en hann er ónýtur“

Hilmar kveðst vera einstaklega ánægður með að hafa fengið Bernardelli haglabyssurnar í sölu, enda sé þar um að ræða afar virtan og rótgróinn ítalskan byssuframleiðanda.  Bernardelli er einn elsti byssuframleiðandinn á ítalíu, en fyrirtækið var stofnað árið 1865.  Bernardelli var fyrstur ítalskra byssuframleiðanda til að framleiða hálfsjálfvirka haglabyssu og hjá Veiðiflugum fást 6 mismunandi týpur af hálfsjálfvirkum byssum frá Bernardelli.