Unnið úr á­bendingum varðandi ránið

Rannsóknadeild lögreglunnar á höfuðborgarsvæðinu er nú að vinna úr ýmsum ábendingum sem henni bárust í gær varðandi ránið í úraverslun Michelsens við Laugaveg á mánudagsmorgun, en lögregla gefur ekki upp hvort einhver hefur verið yfirheyrður.

Þá er ekki vitað hvort lögregla hefur haft upp á manninum, sem hún birti mynd af í gærmorgun í tengslum við rannsóknina.

Enn er grannt fylgst með farþegum sem fara úr landi um Leifsstöð og eigandi verslunarinnar hefur heitið einni milljón króna fyrir upplýsingar, sem gætu leitt til þess að upplýsa málið.